Македонскиот виртуоз на пијано, Симон Трпчески на 5 февруари одржа сектакуларен концерт во Милано, Италија како дел од неговата турнеја. По настапите во САД и Канада, Трпчески се врати на настапите во Европа.

„Одлично враќање во Милано и Серате Музикали на Конзерваторио Верди, по некое време. Прекрасен прием и со нетрпение ја очекуваме возвратната посета следната сезона! Благодарност до топлата италијанска публика и Македонците меѓу нив, вклучувајќи го и мојот школски другар и македонски културен амбасадор, оперскиот пејач Благој Нацоски!“, напиша Трпчески на својот фејсбук-профил.

Признание и пофални зборови за успешниот концерт на нашиот пијанист, со објава на својот фејсбук-профил му оддаде и македонскиот оперскиот пејач кој живее и работи во Италија, Благој Нацоски.

„Што да ви кажам, Симон го дигна на нозе Милано вечерва со неговиот концерт“, напиша Нацоски.