Синоќа се одржа 77. доделување на престижните награди Тони, признанија кои се доделуваат за исклучителна глума во живо во Бродвејскиот театар.

Американската актерка Брук Шилдс (59) се појави на црвениот тепих во многу необично издание – долг жолт фустан и кломпи Крокс во слична нијанса.

Нејзиното издание привлече големо внимание, а фановите ја пофалија за необичната комбинација.

Сепак, таа имаше добра причина за овој моден избор.

Со објава на Инстаграм, актерката откри дека имала операција на прстите на нозете, поради што не можела да носи чевли со високи потпетици, а следбениците ѝ посакаа брзо закрепнување.