Сите со нетрпение го очекуваме утрешниот натпревар во Палермо (20.45 часот) на македонската А репрезентација против Италија во полуфиналето од баражот за пласман на Светското првенство во Катар.

Двајцата селектори Роберто Манчини и Благоја Милевски ги кројат последните тактички замисли за дуелот во кој Италијанците ја имаат фаворитската улога, но нашите најдобри фудбалери ќе го дадат максимумот и се обидат да направат изненадување.

„Гаѕета дело Спорт“ предвидува со кои 11 играчи ќе стартува италијанската селекција со формација 4-3-3.

На голманската позиција е Донарума, во одбранбениот дел Емерсон, Бастони, Манчини и Флоренци.

Во средниот ред Верати, Жоржињо и Барела, а во делот на нападот Инсиње, Имобиле и Берарди.