Фудбалерите Херенвен и Фортуна Ситард одиграа нерешено 2:2 во натпреварот од 21. коло на холандскиот шампионат.

Херенвен имаше водство од 2:1 од 82. минута, кога се случи неверојатна ситуација – Ситард имаше голман и 11 играчи на теренот, поточно 12 играчи, а никој не забележа.

Тренерот на гостинската екипа направи две замени во 88. минута, а еден од играчите кој беше заменет остана на теренот.

Рајан Фосо и Хаспер Далхаус требаше да ја напуштат играта. Вознемиреноста настана кога Едуард Михут се приближи до клупата на гостинскиот тим.

Сите мислеа дека е играч кој ја напушта играта, но тој се врати на теренот, а играта продолжи без Далхаус да го напушти теренот.

Фортуна играше со играч повеќе и на тој начин успеа да постигне гол и да дојде до бод.

– Мислам дека тоа што се случи е многу специјално. Фортуна имаше 12 играчи на теренот. Се чини дека тоа е дозволено и возможно. Никогаш не разговарам со судиите и ги оставам да си ја завршат работата, но тие не можат да играат со 12 играчи. Тоа е незамисливо. Го прашав четвртиот судија дали треба да направи нешто. Не можете да играте со 12 играчи, навистина не можам да го разберам тоа. Мислам дека ова е навистина скандалозно – изјави Робин ван Перси, тренерот на Херенвен по натпреварот.

Ada-ada saja ? Di Eredivisie, Fortuna Sittard sempat main dengan 12 pemain selama beberapa detik, lawan Heerenveen. Dan kemudian cetak gol penyama kedudukan! Robin Van Persie (pelatih Heerenveen) terlihat bingung & lakukan protes.

Pada menit 87′ rencana nya Fortuna menarik… pic.twitter.com/iwPIT8OK5z

— FaktaBola (@FaktaSepakbola) February 2, 2025