Овогодинашниот Избор за песна на Евровизија беше официјално отворен во Базел, Швајцарија. Претставниците на 37 земји прошетаа по најдолгиот тиркизен тепих во историјата на натпреварот, како што најавија организаторите, а тие беа поддржани со аплауз од илјадници обоаватели и претставници на медиумите кои пристигнаа од бројни земји од целиот свет.

Свечената церемонија се одржа во самиот центар на градот, а оваа година сè ќе кулминира на 17 мај, кога големото финале е денот кога ќе се добие новиот победник на најгледаниот музички фестивал во светот.

Учесниците кои пристигнаа во Швајцарија се качија на ретро трамваи кои ги однесоа до саемот (Базел Месе), каде што се наоѓа сцената на Евровизиското село, и каде што беа пречекани од бројни обожаватели на овој натпревар за најдобра песна.

Швајцарците ја опишаа оваа церемонија како еуфорична парада за време на која учесниците беа пречекани од тапанари и гајдаџии, или карневалски марширачки оркестар карактеристичен за Базел и околниот регион.

За време на церемонијата, претставниците и нивните тимови имаа можност да ја поздрават јавноста, да позираат пред камерите и да дадат кратки интервјуа и изјави, давајќи им на претставниците на медиумите ран впечаток за евровизискиот дух на секоја земја.

Церемонијата за добредојде официјално ги започнува свеченостите за Евровизија 2025, полуфиналињата се закажани за 13 и 15 мај, а големото финале ќе се одржи на 17 мај во арената „Сент Јакобшале“ во Базел.

Во вторник и четврток ќе се одржат двете полуфинални вечери, а финалето е во сабота.

Во првото полуфинале, кое ќе се одржи на 13 мај ќе настапат Исланд, Полска, Словенија, Естонија, Шпанија, Украина, Шведска, Португалија, Норвешка, Белгија, Италија, Азербејџан, Сан Марино, Албанија, Холандија, Хрватска, Швајцарија, Кипар.

Во второто полуфинале, кое ќе се одржи на 15 мај, ќе настапат Австралија, Црна Гора, Ирска:, Латвија, Ерменија, Австрија, Обединето Кралство, Грција, Литванија, Малта, Грузија, Франција, Данска, Чешка, Луксембург, Израел, Германија, Србија, Финска.

Македонија и оваа година нема да учествува на Изборот на песна за Евровизија.