Повеќе од 2.300 луѓе загинаа во катастрофалниот земјотрес со јачина од 7,8 степени според Рихтеровата скала што ги погоди Турција и Сирија во текот на ноќта и ги срамни со земја населените места.

Светот е потресен од настанот, а на социјалните мрежи се шират тажни фотографии и видеа, додека корисниците пишуваат зборови на поддршка.

Силен земјотрес го погоди и турскиот град Истанбул, каде живее пејачката Емина Јаховиќ со своите синови. Таа побара помош преку социјалните медиуми.

„Турција прогласи четврто ниво на тревога. Алармната состојба на четврто ниво вклучува меѓународен повик за помош. За сите вас ширум светот кои ја читате оваа порака. На нашите луѓе кои беа под урнатините на земјотресот во мојата земја им треба вашата помош за да се спасат“, се огласи пејачката преку својот инстаграм-профил.

Пејачката апелираше до сите што можат, да испратат финансиска помош за турскиот народ да ја надмине тешката несреќа што го снајде.

Македонија ќе испрати помош во Турција