Приказната за совршено тркалезното јајце започнува во Шкотска, каде што една жена го купила во локален супермаркет, јавува „Би-Би-Си“.

Подоцна истото завршило во рацете на Ед Повнел од Беркшир, Англија, кој платил 180 евра за него, па го донирал во фондацијата Лувентас.

‘One in a billion’ spherical egg discovered in woman’s weekly shophttps://t.co/IHR3ui177M pic.twitter.com/cM54DG8LVc

— The Mirror (@DailyMirror) August 6, 2024

Не беше шега

Организација која обезбедува менторство, животни обуки и поддршка на младите луѓе ширум англискиот Оксфордшир понуди јајце на аукција, а на купувачот не му требаше долго време.

Претставниците на Лувентас, признале дека на почетокот мислеле дека Повнел се „шегува“ кога предложил да го продаде јајцето.

„Воодушевени сме од продажбата, бидејќи тоа значи дека можеме да продолжиме со нашата работа“, изјави Роз Реп.

Поддршка за младите

Таа додаде дека на лицитацијата биле продадени неколку предмети (јајце за 240 евра), а биле собрани вкупно околу 6.000 евра.

„Парите ќе ни помогнат да допреме до повеќе млади луѓе на кои им е потребна поддршка, особено на возраст од 13 до 25 години“, заклучи г-ѓа Реп.

Дејвид Милер од аукциската куќа Томсон Родик Калан верува дека примерокот од совршено тркалезно јајце е „едно во милијарда“.