На годинашната Мостра во Венеција, премиерно се одржаа многу долгоочекувани филмови, но ниту еден не предизвика толку голема возбуда како новиот филм на Лука Гвадањино, „По ловот“, во кој глуми Џулија Робертс. Заедно со Робертс, во новиот филм на италијанскиот режисер глумат Ендру Гарфилд, Ајо Едебири и Клое Севињи, кој собира вистинска ѕвездена екипа.

Робертс носеше креација на брендот Версаче

Ова е првиот дизајн на Дарио Витале за италијанскиот Версаче, откако во март ја презеде функцијата креативен директор. Донатела Версаче, која претходно долго време беше на чело се повлече, со што затвори една ера и отвори нова во историјата на модната куќа.

Робертс носеше минималистичка, но елегантна дневна облека инспирирана од 90-тите: сино волнено сако преку пругаста кошула и фармерки со рамен крој. Изгледот беше безвременски и едноставен, далеку од екстравагантноста по која е познат Версаче.

 

View this post on Instagram

 

A post shared by Obsessive Fashion Disorder (@obsessive_fashion_disorder)

За гламурозната вечерна премиера, Робертс носеше уште една креација на Версаче од Дарио Витале – долг фустан во темно сина ткаенина Crepe de Chine со рачно извезен дезен на дамиер на црна свила. Изработката на оваа софистицирана облека траеше повеќе од 300 часа, што сведочи за исклучителната грижа и изработка вложени во неговиот дизајн и конструкција.

Двете креации што ги носеше Џулија Робертс беа значително минималистички, што сугерира дека Версаче влегува во нова ера на модата базирана на безвременски гламур, а не на максимализмот со кој ја стекна славата. Изборот на Џулија Робертс, една од најпознатите и најомилените холивудски ѕвезди, како нивна муза е секако одличен начин да воведат ново модно поглавје.

 

View this post on Instagram

 

A post shared by GLAMURAMA (@glamurama)