Холивудската актерка Џенифер Кулиџ откри дека ја одбила понудата на една компанија за хот -дог да сними реклама, од проста причина што повеќе не јаде месо.
Таа во филмот „Legally Blonde 2“ ја глумеше козметичарката Полет Бонафонте, која кога ја здогледа Рис Витерспун (облечена во патриотска облека) рече:

„Ох, изгледаш како празникот 4 јули! Неодоливо ми доаѓа да каснам хот-дог кога те гледам!

Џенифер сега е веганка и според неа, не може да промовира било каков бренд за месо, освен ако не се работело за алтернативна опција од растително потекло.

Вo интервју за „People“, таа изјави:

„Ми беше понудено, но јас ги одбив. Тоа е компанија за хот-дог која прави производи со месо, а јас ги јадам оние неверојатни растителни хот-догови. Веганка сум, и им реков – ако нудите виршли од растително потекло, дефинитивно ќе ви направам реклама“.