Две инфлуенсерки загинаа бидејќи одбиле да носат елеци за спасување кога потонал глисерот во близина на брегот на Сао Паоло, Бразил. Причината е многу бизарна – не сакале безбедносната опрема да им го уништи тенот на фотографиите, известила полицијата, пренесува „Њујорк пост“.

Алин Тамара де Аморим (37) и Беатрис Таварес да Силва Фариа (27) ги игнорирале молбите да облечат елеци за спасување кога преполниот глисер кој ги враќал на брегот од забавата на јахтата се превртел во водите на реката Игуасу, во близина на брегот на Сао Паоло.

„Некои не сакаа да ги стават појасите затоа што правеа селфи“, рекол началникот на полицијата во Сао Винсенте, Маркос Александра Алфино, врз основа на сведочењето на капетанот на бродот.

Aline Tamara Moreira de Amorim, 37, and her pal Beatriz Tavares da Silva Faria, 27, weren’t wearing lifejackets when their boat sank off the coast of Brazil pic.twitter.com/xOwxn0e1Ip

— What’s Da Bizness (@whatsdabizness) October 30, 2024

Гостите биле на забава на луксузната јахта пред несреќата на 29 септември. Глисерот, кој бил наменет за максимално пет лица, требало да врати седум на брегот. Возачот на глисерот наводно ги исполнил барањата на патниците да ги врати на брегот. Силен бран удрил во претоварениот чамец и го превртел, соопштила полицијата.

Капетанот на глисерот во полиција изјавил дека добил наредба да превезе шест влијателни лица, иако имал глисер за само пет патници, поради што постоел ризик за пловидбата.

Во тоа време настанало силно невреме, а брановите го преплавиле бродот и ги фрлиле патниците во немирните води, соопштила полицијата. Капетанот очајно се обидувал да ги спаси патниците, но девојките одбиле да носат елеци за спасување.

Influencers drowned during yacht party after ‘refusing to wear life jackets because they would ruin their selfies and tans’, police say https://t.co/hI1KnX0fiA pic.twitter.com/7fVI9crlU8

— Mail+ (@DailyMailUK) October 29, 2024

Набргу по несреќата започнала акцијата на спасување. Безживотното тело на една од двете жени било извлечено од морето од страна на бразилската крајбрежна стража. Второто тело било откриено неколку дена подоцна на плажата во Итакитандуа. Капетанот и уште четворица патници ја преживеале несреќата.

Со нив била и Ванеса, која за локалните медиуми изјавила дека група пријатели и инфлуенсери се сретнале на забава на луксузна јахта, каде што го поминале денот на крстарење, со многу алкохол.

Подоцна се поделиле во две групи за да се вратат на брегот, но едната била однесена од бран на враќање.

Ванеса рекла дека успеала да се вовлече во елекот за спасување и преживеала држејќи се за карпите:

„Имаше момент, никој не можеше да види никого од водата. Се борев за живот“.

Друга преживеана, исто така инфлуенсерка, Камила, рекла дека во рацете држeла елек за спасување.

„Имаше многу силни бранови, за малку ќе умревме. Не знаеме да пливаме. Знаев дека не можам долго да издржам. Ја повредив ногата и голтнав многу вода. Брановите нè фрлија во карпите”.

Полицијата истражува дали преоптоварувањето на чамецот и непочитувањето на безбедносните прописи придонеле за смртта на жените.

– Внимателно го испитуваме случајот за да утврдиме дали несреќата е предизвикана од невнимание или од човечка грешка – изјавил полицискиот истражител Маркос Александре Алфино.

„Гарганта до Диабо“ (Ѓаволски вилици) е дел од брегот познат по силните струи и непредвидливите услови. Преоптоварувањето на чамецот исто така се смета за критичен фактор во несреќата.