Италијанскиот шампион со нов напаѓач ќе влезе во новата сезона, станува збор за Белгиецот Дивок Ориги.

„Златниот џокер“ на Ливерпул од каде доаѓа како слободен играч, потпиша договор со Милан кој ќе трае до 2026 година.

Се очекува Ориги да биде само прво од низата засилувања во летниот период на трансфер пазарот. Следни кои се шпекулираат дека ќе се преселат на „Сан Сиро“ се Де Кетелер, Зијеш, Дибала, а кој и дали некој од нив ќе биде следен, останува да видиме.

Ориги со Ливерпул запиша 107 настапи и 44 голови од 2014 до 2022 година, во меѓувреме беше испратен на позајмица во Лил и Волфсбург.

Со „црвените“ од Енфилд по еднаш ги освои Премиер лигата, ФА Купот, Лига купот, Лигата на шампионите, УЕФА Суперкупот и ФИФА Светското клупско првенство, а беше финалист во Лигата на Европа.

Exclusive behind-the-scenes pictures of our new Belgian striker: @DivockOrigi ??#ReadyToLeaveAMark #SempreMilan pic.twitter.com/KyGO28SwCN

— AC Milan (@acmilan) July 5, 2022