Ниту Кинескиот ѕид, ниту Таџ Махал или Забранетиот град, кои исто така влегоа во потесниот избор, не беа прогласени за водечка азиска туристичка атракција во 2023 година, туку фантастичниот и крајно необичен музеј „teamLab Planets“ во Токио, пишува „Пункуфер“.

Презентирани годишно во секоја категорија на патување што може да се замисли, Светските туристички награди (World Travel Awards) се опишани од Вол Стрит Журнал како „еквивалент на Оскарите“ во туристичката индустрија. Светските туристички награди ја наградуваат и слават извонредноста во сите клучни области на индустријата од 1993 година, со гласови дадени од професионалци за патување и угостителство, како и од патници од повеќе од 200 земји.

„teamLab Planets“ во Токио е огромен, извонреден простор кој опфаќа десет илјади квадратни метри и се состои од колекција на импресивни инсталации на уметничкиот колектив на музејот. Отворен е на 7 јули 2018 година во Токио на ограничено време, а неговото затворање е веќе двапати одложено.

Според првичниот план, инсталациите требало да стојат до 2020 година, а потоа и до 2023 година. Минатиот јули, за време на прославата на 5-годишнината и откривањето на новата инсталација, музејот официјално потврдил дека поради големиот интерес тој ќе остане отворен до 2027 година.

„teamLab Planets“ е сосема поинаков и посебен музеј кој се состои од 4 големи затворени простори и две градини обликувани од дигитална уметнос. Во овој музеј, шетате боси низ водата, се спојувате со цвеќињата, ја допирате светлината и го потопувате целото тело во огромните уметнички дела кои се менуваат и комплетираат пред вас.

Границите меѓу гледачот и уметничкото дело овде се многу апстрактни или целосно исчезнуваат, а делата се нецелосни без оној што ги доживува. Уметничките дела се менуваат поради присуството на луѓето и на тој начин си играат со нашата перцепција и границите на уметноста и реалноста, ние и светот, поединецот и општеството.

Меѓународниот уметнички колектив „teamLab Planets“ постои од 2001 година и долги години создава уметнички дела според концептот Body Immersive, според кој уметноста се доживува не само со очите туку и со целото тело.

Оваа интердисциплинарна група експерти – уметници, програмери, инженери, аниматори, математичари и архитекти имагинативно ги комбинира уметноста, науката, технологијата и природата и преку уметноста го истражува односот меѓу себе и светот, како и новите форми на перцепција – светот, однос помеѓу поединецот, општеството и светот и континуитет на времето.

Изложбите и инсталациите на „teamLab Planets“ го обиколија светот, од Њујорк, Лондон и Париз до Сингапур, Пекинг и Мелбурн , а делата на колективот се наоѓаат во постојаните збирки на музеи низ светот, на четири континенти.