Нашата пејачка Дани Димитровска, која речиси 25 години е дел од македонската музичката сцена, на социјалните мрежи сподели моменти од свадбената прослава, со која ја одбележа љубовта со нејзиниот сопруг Горан Веселиновски – Весел.

Имено, по интимната венчавка која се случи пред неколку дена, заљубениот пар овој викенд се забавуваше во присуство на своите најблиски, пријателите и колегите.

Пејачката блесна во уникатната венчаница со корсет и прорез, а косата ѝ беше собрана во елегантна пунџа. Подоцна, таа облече друг, елегантен фустан со раскошен детаљ на едното рамо. Нејзиниот избраник се одлучи за полежерна модна комбинација и облече бела кошула, син костум и патики.

Судејќи по споделените фотографии, вечерта поминала во одлична атмосфера, а Дани и Весел не ги симнаа насмевките од нивните лица.

Да потсетиме, ова е втор брак на Дани Димитровска. Весел ја запроси Дани во јуни минатата година, а пејачката тогаш со голема радост ја објави фотографијата на Инстаграм, гордо покажувајќи го свршеничкиот прстен. Од првиот брак пејачката го има синот Лазар, кој неодамна магистрираше на Универзитетот во Ајндховен.

ФОТО | Дани Димитровска една година по свршувачката, повторно се заколна на вечна љубов