Американскиот рапер Канје Вест предизвика бурни реакции откако сподели фотографија на социјалните мрежи на која носи маска и качулка.

Иако долго време е познат по своите бизарни модни изданија, неговите обожаватели веруваат дека овој пат се надминал себеси. Се претпоставува дека овој модел на маска наскоро би можел да се најде во продажба под неговиот моден бренд „Yeezy“.

„Оваа фотографија ме тера да се наежам“; „Што се случува со овој човек?“; „Тотално го изгуби разумот“, се некои од коментарите.

На Инстаграм, тој сподели и неколку фотографии и снимки од концертот што неодамна го одржа во Јужна Кореја.

Иако долго време се шпекулираше дека се разведува од Бјанка Ценсори, тие сè уште се заедно. Таа го придружуваше на концерт во Сеул. Неодамна ги предупреди своите следбеници на Инстаграм дека нејзиниот профил бил хакиран неколку пати.

„Ако видите нешто чудно, тоа не сум јас“, напиша таа.

Поранешна помошничка го тужи Канје Вест: Тврди дека ѝ испраќал пораки со експлицитна содржина