Бјанка Ценсори, сопругата на раперот Канје Вест, предизвика големо внимание во Беверли Хилс откако беше фотографирана на пат кон козметички третман. Причината за бурната реакција е нејзиниот изглед, кој неодоливо потсетуваше на поранешната сопруга на Вест – Ким Кардашијан.

Триесетгодишната австралиска архитектка и модел носеше тесно бежово боди со длабоко деколте, хеланки во иста боја и високи чизми од крзно. Целиот изглед беше заокружен со долга, темна, брановидна коса со раздел по средината и големи црни очила за сонце, имиџ кој веднаш потсетува на Кардашијан.

За време на прошетката, Ценсори држеше телефон во рака и беше видно зафатена со допишување, а по третманот ја пречека обезбедување во елегантен костум, кој ја испрати до луксузен црн автомобил.

Bianca Censori looks like Kim Kardashian’s twin in nude bodysuit and knee-high fur boots https://t.co/rDrot1Gy3J pic.twitter.com/qNEfz3mNqT

— Page Six (@PageSix) June 18, 2025

Она што дополнително го привлече вниманието е фактот дека токму вакви парчиња облека, особено телесно обоени бодиа, се препознатлив знак на Кардашијан, кои таа со години ги промовира преку својот бренд.

Ова не е првпат Ценсори да биде фотографирана во издание кое изгледа како директно преземено од плакарот на Кардашијан. Во март минатата година беше снимена во Западен Холивуд во сребрен костим за капење, налик моделите од линијата на Кардашијан. Месец подоцна, повторно ги поттикна споредбите носејќи бел краток фустан со длабоко деколте, додека заедно со Вест, облечени во бело, присуствуваа на роденденската забава на познат рапер.

Во април годинава, Вест дополнително ги разгоре шпекулациите кога објави дека неговата поранешна сопруга сакала Ценсори да биде дел од кампања за нејзиниот моден бренд. Иако соработката не се оствари, извори блиски до семејството открија дека Кардашијан се обидела да стапи во контакт со Ценсори по гласините за краток прекин меѓу неа и Вест.

Ценсори не одговорила, но Кардашијан, според изворите, сакала да ѝ стави до знаење дека е подготвена на разговор, доколку некогаш почувствува потреба.

ФОТО | Бјанка Ценсори ги налути Шпанците откако ги покажа градите во мрежаст топ: Зошто оваа жена сè уште не е уапсена за непристојност?