Изминатиот викенд се возеа последните две трки од ФИМ Европскиот шампионат и Алпе Адриа интернационалниот шампионат во Словачка на патеката Словакиа Ринг.

Македонскиот моторциклист Христијан Бузалковски беше во борба за вицешампионската позиција на европскиот шампионат, но сепак ќе се задоволи со третата позиција оваа сезона.

Бузалковски извозе квалитетна сезона, на сите патеки беше побрз од лани, освен на последната, но тоа ќе биде мотив за предизвиците во следната сезона.

Бузалковски на првата трка во саботата го обезбед третото место во генералниот пласман на ФИМ Европа, што беше и планот за овој викенд.

За жал, во неделата тимот имаше проблеми со моторот и не беа завршени ни двете трки, односно спринтот и втората трка.