Блејк Лајвли беше фотографирана на Тајмс Сквер во Њујорк, каде што го промовираше својот филм „Another Simple Favor“. Таа позираше со колегите Лоренцо де Мура и Мишел Мороне, кои исто така глумат во филмот.

Лајвли за пригодата носеше црн волнен елек и црни панталони, но она што привлече посебно внимание беше нејзината чанта во форма на парче пица. Станува збор за чанта од Џудит Лајбер која вообичаено се продава за 5.700 долари, но моментално е распродадена. Актерското трио беше снимено и во еден момент како јадат пица на улица.

Многумина веруваат дека чантата е референца на филмот, чие дејство се одвива во Италија. Ова не е првпат Лајвли да носи модни додатоци од гореспоменатиот бренд. На претходната премиера на филмот, таа беше видена со чанта во форма на мартини вредна 6.000 долари, оддавајќи почит на нејзиниот лик Емили Нелсон и нејзиниот омилен пијалок.