Во рамки на манифестацијата Белградска зима, вечерва со музичко – сценски настап и огномет е отворено лизгалиште на Плоштадот на Република.

Лизгалиштето ќе биде отворено до 28 февруари, а ќе работи секој ден од 10 до 22 часот.

Според директорот на белградскиот фестивалски центар (ЦЕБЕФ), Дамир Хандановиќ, лизгалиштето на Плоштадот на Републиката е едно од најголемите на Балканот и се простира на над 2.000 квадратни метри.

-Сакам да му се заблагодарам на Град Белград и на целата екипа што учествуваше во реализацијата да има вакво лизгалиште на плоштадот, бидејќи тоа е показател дека Белград е метропола и може да се натпреварува со сите светски градови, рече Хандановиќ.

Тој вели дека лизгалиштето има дел кој е покриен, како и дел кој е отворен и се наоѓа во близина на споменикот на принцот Михаило.

 

View this post on Instagram

 

A post shared by Goran Vesic (@vesicg)

Кога станува збор за епидемиолошките мерки, Хандановиќ изјави дека сите културни институции во рамките на Белградска зима ги следат мерките на Кризниот штаб.

Тој додава дека истото правило важи и за лизгалиштето кое е со површина над  2.000 метри квадратни и не може да има повеќе од 350 лизгачи.

Според Хандановиќ, реакциите на граѓаните на отвореното лизгалиште се прекрасни и позитивни и дека на сите им е „полно срцето“ што конечно се создадени временски услови за формирање на мраз.

Лизгањето е бесплатно на денот на отворањето, а цената на билетот или изнајмувањето на лизгалки е 300 динари.