Холивудската актерка Џесика Алба (44) беше меѓу гостите на свадбата на векот во Венеција, но се држеше подалеку од фоторепортерите, за потоа да покаже на Инстаграм како била стилизирана за таа фешта и какво издание носела нејзината ќерка Онор (17), која ја придружувала на свадбата на Џеф Безос и Лорен Санчез минатата сабота. Тридневната прослава на познатиот пар траеше од четвртокот до утринските часови во неделата.

Џесика Алба и нејзината ќерка престојувале во хотелот „Чипријани“. Двете носеле многу гламурозни фустани на венчавката на Џеф Безос и Лорен Санчез. Актерката избрала зелен модел од култната модна куќа Зухаир Мурад, додека Онор носела креација на „Селф-портрет“.

Џесика Алба и Онор добиле бројни комплименти за своите стајлинзи, а многумина велат дека, како што расте Онор, сè повеќе личи на својата славна мајка.

 

View this post on Instagram

 

A post shared by Jessica Alba (@jessicaalba)

Актерката често носи вакви комбинации на црвениот тепих, иако умее да облече и попредизвикувачки изданија.

Модната куќа Зухаир Мурад е гаранција за најдобар стил, што во нејзиниот случај и се потврди. Џесика Алба изгледала многу елегантно, а фустанот криел и некои попровокативни детали како делови од тил што ги откривале нејзините нозе.

Тоалетата на нејзината ќерка Онор била поумерена. Модерниот фустан сигурно ќе им се допадне на многу млади девојки, иако поголем тренд се попредизвикувачки изданија, кои, за жал, не ги заобиколија и матурските вечери оваа година.

Фустанот на Онор е вистинската мерка: дизајнот е раскошен, а бојата е многу ефектна, исто како и самите детали.

Освен ќерката Онор, актерката Џесика Алба ги има и ќерката Хевен и синот Хејс, кои ги доби во бракот со својот поранешен сопруг Кеш Ворен, од кого се раздели претходно оваа година, по две децении брак.

ВИДЕО | Џесика Алба му покажа на поранешниот сопруг што изгубил: А со објавата од одморот во Мексико го „докрајчи“

ВИДЕО | Џесика Алба му покажа на поранешниот сопруг што изгубил: А со објавата од одморот во Мексико го „докрајчи“