„Том Форд бјути“ (Tom Ford Beauty) објави дека актерката Анџелина Џоли ќе биде новото лице на нивната линија Runway Lip Color, која излегува на пазарот на 3 септември и ќе ја замени постоечката линија Lip Color.

Луксузниот бренд ја сподели веста на своите социјални мрежи, со придружни фотографии од кампањата на која Анџелина се појавува со карминот Runway Lip Color во нијанса 16 Scarlet Rouge. Во објавата тие потенцираа дека оваа соработка „обединува две легенди“.

Нејзиното назначување, како и одлуката да се обнови линијата на кармини, доаѓа во клучен момент за брендот. Во својот целогодишен финансиски извештај за 2024 година, матичната компанија „Есте Лодер“ рече дека нето приходите од брендот „Том Форд бјути“ опаднале, првенствено поради полошите резултати во продажбата на производи за усни, пренесува „Бизнис оф фешн“. Инаку, брендот Tom Ford Beauty, кој создаден од славниот моден дизајнер Том Форд, беше еден од најуспешните во светот и  брендот е купен од групацијата „Есте Лодер“ за значителна сума.

Во соопштението за медиумите, Том Форд истакна дека новиот кармин Runway Lip Color ги негува усните благодарение на специјалната хидратантна формула и обезбедува богата, долготрајна боја. Линијата што ќе се појави на пазарот во септември вклучува 18 нијанси – 10 постоечки и 8 нови. Цените ќе се движат од 46 долари за моливчиња за усни до 60 долари за кармини.

Целата кампања, снимена од легендарните модни фотографи Мерт Алас и Маркус Пигот, ќе биде објавена на 3 септември.

ФОТО | Новиот имиџ на Анџелина Џоли за 10-ка! Актерката изгледа двојно помладо

Уште едно дете се откажа од Бред Пит: Ќерката Вивиен повеќе не го користи неговото презиме