Македонската пејачка Андријана Јаневска си ја оствари долгогодишната желба – да лови риба во замрзнато езеро во Финска.

Таа моментално е на семејно патување во Лапонија, каде што ужива во зимските авантури и природните убавини. Пред да замине од Македонија, најави дека ќе посети дестинација која долго време ѝ била на листата на желби, а сега на својот инстаграм-профил споделува фотографии и видеа од патувањето.

Откако заедно со синовите се испробала во нордиско скијање, Јаневска си го исполни и сонот да лови риба во замрзнато езеро.

Во објавата што ја сподели, таа прикажува како се дупчи снегот за да се направи отвор во мразот, преку кој се спуштаат риболовните трски. Јаневска исто така покажа како се чистат дупките од насобраниот мраз.

„Риболов во замрзната вода“, напиша таа во описот на видеото.

Јаневска откри дека љубовта кон риболовот ја наследила од својот татко, а често објавува фотографии и од своите риболовни авантури во Охридското Езеро.