Британскиот актер Ед Вествик, најпознат по улогата Чак Бас во тинејџерската серија „Озборувачка“ („Gossip Girl) и неговата сопруга Ејми Џексон го очекуваат нивното прво заедничко дете.

Филмската ѕвезда ја објави среќната вест на социјалите мрежи, споделувајќи романтична фотосесија со својата сакана партнерка. На фотографиите може да се забележи дека Џексон веќе има изразен труднички стомак.

Да потсетиме, Ед Вествик и Ејми Џексон стапија во брак во годинава, во бајковита атмосфера во Италија. По венчавката, тие изјавија за „Пипл“ дека едвај чекаат да го започнат нивниот брачен живот.

„Мажењето за Ед за мене значи дека ќе имам животен партнер, со кој ќе можам да споделувам авантури, љубов и поддршка. Ќе можам да создадам прекрасно семејство и ќе имам ‘грб’ во сите моменти во животот“, изјави Џексон.