Возачот на Формула 1 тимот Вилијамс, Алекс Албон (26) замина на рутинска операција на слепото црево, но заврши на интензивна нега во болницата Сан Џерардо во Монца.

Формула 1 тимот објави дека Албон во саботата не се чувствувал добро пред квалификациите за трката на Големата награда на Италија, по што заминал на прегледи во болницата Сан Џерардо во Монца и прегледите покажале дека мора да замине на операција на слепото црево.

Тој по операцијата имал неочекувани постоперастивни анететски компликации поради што повторно бил интубиран и префрлен на интензивна нега.

– Во неделата Албон беше тргнат од респиратор и беше префрлен на општото оделение во болницата во Монца. Се очекува денеска да биде отпуштен од болницата – соошшти тимот на Вилијамс.

Тимот соопшти дека очекува Албон да се врати на трките за Големата награда на Сингапур на 30 септември.