Макс Ферстапен ја обезбеди својата трета последователна пол-позиција на неговата домашна трка во Холандија, после драматична финална сесија во квалификациите во која имаше две црвени знамиња, а шест различни тимови ги зазедоа првите шест позиции.

Ферстапен извозе одличен круг во последната трета квалификациска сесија, со кој беше половина секунда побрз од Норис, а Расел го освои третото место за Мерцедес, пред трката за Големата награда на Холандија во Формула 1 шампионатот.

Албон импресионираше на четвртото место за Вилијамс пред Алонсо во Астон Мартин и Саинц во Ферари, а Перез дури седми во вториот Ред Бул.

Пјастри беше осми во вториот Мекларен и покрај тоа што беше многу блиску до Норис во поголемиот дел од квалификациите, а Леклер и Сарџент завршија деветти и десетти по судирот во третата квалификациска сесија.

На шест трки до крајот на сезоната, моментно во генералниот пласман кај возачите води Ферстапен со 314 бодови, пред Перез кој има 189, а трет е Алонсо со 149, само еден повеќе од Хамилтон на четвртото место.