Американскиот производител на автомобили „Форд“ ќе повлече речиси 700.000 возила поради проблеми со истекување на гориво, операција за која се очекува да ја чини компанијата 570 милиони долари, беше објавено денес.

„Форд“ објави сервисна акција поради истекување на гориво кај одредени модели Бронко Спорт, Искејп и Kуга, објави компанијата со седиште во Дирборн, Мичиген.

Според друг документ, објавен во понеделник од Агенцијата за безбедност на автопатиштата на САД, премин за гориво може да пукне и да испушти гориво во моторниот простор на возилото.

„Истекувањето на гориво во присуство на извор на палење, како што е загреан мотор или компоненти на издувните гасови, може да го зголеми ризикот од пожар“, соопшти агенцијата. „Проценуваме дека вкупната цена на оваа акција ќе биде приближно 570 милиони долари и ќе се одрази во нашите оперативни резултати во вториот квартал од 2025 година“, соопшти компанијата.

По таа информација на њујоршката берза, акциите на „Форд“ паднаа за 1,9 проценти, пишува Данас.