Нова фонтана и детско катче се градат во паркчето „Срце“ во непосредна близина на Домот на култура „Билјана Беличанец“ во Општина Кисела Вода. Просторот, како што информираат од Општината ќе биде и хортикултурно уреден.

Со изградбата на фонтаната во паркчето „Срце“ уште еднаш покажуваме дека вложуваме во подигнување на квалитетот на живот во секој дел од нашата општина. Создаваме убави, функционални и атрактивни јавни простори кои ќе бидат места на собирање, дружење и уживање за сите генерации. Овој проект е дел од нашите напори за модернизација и разубавување на општината, а во периодот што следува, продолжуваме со поставување на нова урбана опрема, која ќе ја направи Кисела Вода поубаво место за живеење, вели градоначалникот Орце Ѓорѓиевски.