Германскиот автомобилски гигант „Фолксваген“ побарал да се обноват државните субвенции за набавка на електрични возила, кои германската влада му ги исплаќаше изминатите години, пренесуваат дел од медиумите.

Германскиот автомобилски сектор има неколку отворени фронтови – од зголемените трошоци за производство до предизвикот за транзиција од автомобили со мотори со внатрешно согорување на електрични возила. Посебен проблем е падот на побарувачката на клучниот кинески пазар, односно зголемената конкуренција од кинеските производители, пренесува француската новинска агенција AFP.

Меѓу германските автомобилски компании, најтешко му е на „Фолксваген“, кој веќе овој месец објави дека е можно да затвори фабрики во Германија и да отпушти до 30.000 луѓе поради итно намалување на трошоците. Напуштањето на фабрики во матичната земја би било првиот ваков потег во 87-годишната историја на компанијата.