Фолк дивата која со мерак пее до зори, денеска полни 66 години: Благица Павловска ги повика сите на честење
Една од најпознатите фолк пејачки во Македонија, Благица Павловска е родена на денешен ден во 1958 година во Скопје. Кариерата ја започнува многу млада, музиката е нејзината пасија, а во животот доживеала многу подеми и падови.
Препорачано
Благица своевремено најави и дека ќе објави своја автобиографија насловена „Горка вистина“, книга во која ќе ги преточи своите искуствата, тагата, среќата, успесите и падовите во животот, но и по 10 години, јавноста сè уште го очекува ова дело.
Таа живее и работи во Скопје. Покрај соло кариерата, Благица Павловска настапуваше со групата наречена „Четири грации“, каде покрај Благица настапуваа и Андријана Алачки, Росана Тодоровска и Бади Бекир.
Павловска зад себе има богата музичка кариера, издадено 14 албуми и многу хитови кои се пеат и денес како, „Цело Скопје“, „Пат до Стамбол град“, „Добро утро Македонијо“ и многу други.
По повод нејзиниот роденден, таа објави повеќе видеа на својот Фејсбук профил, каде ги покани сите да ги почести.
Среќен роденден!
Разговор со Благица Павловска: Црвената боја најубаво „ми лежи“, затоа што црвената боја е љубовна
