Една од најголемите ѕвезди во репрезентацијата на Англија, Фил Фоден пред почетокот на Европското првенство со својата девојка бил во посета на гатачка.

Како што пренесува таблоидот „Сан“, Фоден и неговата партнерка Ребека Кук посетиле извесна Клои Смит која им гледала на тарот карти.

„Уживав додека ги читав картите за Фил и Ребека, двајцата се многу духовни и добродушни луѓе. На патот на Фоден е голема среќа“, изјавила Клои за „Сан“.

Истиот извор открива дека асот на Манчестер Сити го интересирало како неговата репрезентација ќе помине на Европското првенство.

„Се надеваме дека Клои му кажала дека „фудбалот се враќа дома“. Сакаше да знае што го очекува. Многу играчи тоа го прават поради позитивна визуелизација пред натпреварите и се надеваат дека тоа ќе им помогне. Ако тоа ги опушта и прави да се чувствуваат добро тогаш тоа може да биде само позитивно“, наведува „Сан“.

Инаку, Клои на свои 25 години започнала бесплатно да гледа тарот на пријателите, а подоцна кога забележала дека и оди добро почнала услугите да ги наплатува по цена од околу 35 фунти и денес е позната на Островот.

Англија на стартот на Европското првенство во недела од 21:00 часот во Гелзенкирхен се среќава со Србија.