Изминатиот период се објавија информации дека фудбалскиот клуб Гостивар би можел да се соочи со казна бидејќи на натпреварот од Втората македонска лига против Локомотива Пехчево на теренот имаше фудбалер кој немал право за настап.

Гордијан Христовски во текот на зимскиот преоден рок дојде во Гостивар од редовите на ФК Скопје, a според правилникот немал право за настап бидејќи веќе настапувал за три клуба оваа сезона и тоа не е дозволено.

ФК Гостивар ја информираше јавноста дека сè е регуларно и дека нема никаква грешка.

– Сите наши фудбалери играат со лиценца и дозвола од Фудбалската федерација на Македонија (ФФМ). Нема грешка – соопштуваат од ФК Гостивар.

Моментно по 16 кола во Втората македонска фудбалска лига (2МФЛ) екипата на Гостивар е на првото место со 40 бодови, три повеќе од Воска Спорт и Вардар.