Денеска од 14.00 часот се играат натпреварите од 19 коло во Втората македонска фудбалска лига.

Екипата на Беласица која има низа од три победи му гостува на ФК Пехчево во обид да ја продолжи добрата серија на резултати.

Како што информираат од ФК Беласица, се случи скандал пред стартот на мечот со ФК Пехчево.

Во продолжение целото соопштение на фудбалскиот клуб Беласица:

– Скандал пред почетокот на натпреварот од ВТОРАТА МАКЕДОНСКА ФУДБАЛСКА ЛИГА помеѓу ФК Пехчево Скопје и ФК Беласица. Во гостинската соблекувална на игралиштето на Фортуна, со нула обезбедување од страна на полициска служба, нашиот тренер и тренерот на голмани беа физички нападнати со тупаници и шлаканици од засега неидентификувани лица, додека кон нашите фудбалери и стручен штаб беа упатени закани дека ќе биде искористено и огнено оружје!!! Нека биде запознаена македонската јавност дека фудбалот во нашата земја е уште далеку од оној европскиот – пренесуваат од ФК Беласица.