Градоначалничката на Фиренца изјави дека ќе ги зголеми таксите за собирање ѓубре за луѓето кои изнајмуваат повеќе од четири станови, во обид да го обесхрабри краткотрајното издавање и да се овозможи празнење на центарот на градот кој е преполн поради прекумерниот туризам.

Со овој потег се планира да се создаде фонд од собраните средства што ќе се користат за намалување на надоместокот за жителите, рече Фунаро во интервју за весникот Република Фиренца за давачката за краткорочно изнајмување на платформите.

„Им наложив на канцелариите да работат на тоа да направат разлика во надоместокот за собирање ѓубре за домовите што се користат за станбени цели и оние што се користат за туристички активности“, рече Фунаро, објави Индекс.хр.

„Денеска тие што стопанисуваат со 600 станови плаќаат исто како едно семејство и тоа не е во ред“, додаде таа.

„Националното законодавство ни дозволува да дејствуваме кога станува збор за оние кои изнајмуваат повеќе од четири станови“, рече таа. Оние кои изнајмуваат четири или повеќе станови, мора да платат повисока такса. А со овие пари ќе создадеме фонд за намалување на таксата на оние кои ги користат зградите како простор за живеење“.