
Финската премиерка по бројните реакции: Подготвена сум да направам тест за дрога
Финската премиерка Сана Марин, која се најде во центарот на скандал откако се појави видео на кое танцува и рапува на забава, изјави дека е подготвена да направи тест за дрога доколку е потребно.
Препорачано
„Немам што да кријам“
Видеото предизвика многу критики и повици за нејзина оставка, кои ги преплавија социјалните мрежи, а финската опозиција и дел од пратениците побараа таа да биде тестирана за дрога.
„Немам што да кријам. Никогаш не сум користела дрога“, одговорила премиерката и додала дека не разбира зошто била повикана да направи тест за дрога бидејќи „не видела докази дека било употребувано“.
View this post on Instagram
Обвинувањата доаѓаат откако некои медиуми објавија дека на еден од клиповите може да се слушне терминот „jauhojengi“ преведен како „прашок банда“, што се однесува на употребата на кокаин.
Finland’s Prime Minister @MarinSanna is in the headlines after a video of her partying was leaked today.
She has previously been criticized for attending too many music festivals & spending too much on partying instead of ruling.
The critics say it’s not fitting for a PM. pic.twitter.com/FbOhdTeEGw
— Visegrád 24 (@visegrad24) August 17, 2022
„Снимките требаше да останат приватни“
Според премиерката, снимките се приватни, направени се во приватна резиденција и се снимени пред неколку недели.
View this post on Instagram
Сана Марин вчера за медиумите изјави дека била свесна дека некој ја снима, но мислела дека снимката ќе остане приватна.
„Вознемирена сум што снимките станаа јавни. Се забавував со пријателите. Бев на забава, пеев и танцував“, рече таа.
Да потсетиме, ова не е првпат премиерката на Финска да стане мета на осуди. Бурни реакции предизвика и кога на својот инстаграм-профил објави фотографија како се забавува на рок фестивал.