Најсилниот стрес што го погодува современиот човек е финансискиот стрес, покажа новото британско научно истражување. Истражувањето опфатило 5.000 возрасни лица на возраст од 50 и повеќе години, покажувајќи дека меѓу испитуваните стресови, финансискиот стрес се издвојува како најштетен, пренесува порталот Банкар.ме.

Научниците од два британски универзитети ја истражуваа врската помеѓу хроничниот стрес и здравствените индикатори кај постарите групи на население.

Испитувајќи четири биомаркери: кортизол, Ц-реактивен протеин, фибриноген и фактор на раст на инсулин-1, студијата покажа дека финансиските проблеми го прават поголемиот дел од испитаниците (60 проценти) со поголема веројатност да имаат „здравствени проблеми со висок ризик“ во рок од четири години. Финансискиот стрес е најштетен за биолошкото здравје, посочуваат експертите. Неговото инвазивно влијание врз различни аспекти од животот потенцијално води до семејни конфликти, социјална исклученост, глад или бездомништво.