На денот кога се одржува ждрепката за новата сезона од Лигата на шампионите, УЕФА потврди една значајна новина, финалниот натпревар, кој традиционално започнуваше во 21:00 часот, од оваа сезона ќе стартува три часа порано, односно во 18:00 часот.

Од европската куќа на фудбалот појаснија дека целта на оваа промена е да се подобри целокупното искуство на натпреварот, како за навивачите и тимовите, така и за градовите-домаќини. Новиот термин ќе овозможи подобра логистика и организација на денот на натпреварот, но и ќе направи финалето да биде подостапно за семејства и помлади навивачи, кои досега тешко можеа да присуствуваат на ваков спектакл во доцен вечерен термин.

„Сакаме финалето да биде вистински фудбалски празник, настан кој ќе биде пријатен и гостопримлив за сите. Убедливи сме дека овој нов термин ќе придонесе за поголема привлечност и достапност на најважниот клубски натпревар во сезоната,“ соопштија од УЕФА.

За потсетување, последната промена на терминот беше направена во 2018 година, кога стандардниот термин од 20:45 се промени во 21:00 часот.