Ѓорѓи Филипов, претседателот на Советот на амбасадори вечерва во „Топ тема“ на тв Телма со коментар за разминувањето на шефот на руската дипломатија Сергеј Лавров со дел од лидерите на западните земји на 30-от Министерски совет на ОБСЕ во Скопје.

„Притоа се користат голем број на алатки за постигнување на таа цел. Една од нив е маневрирањето, па дури некогаш се користат и рокади за постигнување на целта. Македонската дипломатија, мислам, дека е еден од победниците во ова продолжување на постоењето на ОБСЕ и целото раководство на ОБСЕ. Би бил неправеден ако не кажам дека и едната и другата страна кои моментно се спротивставени, ги употребија сите сили и постигнаа извесен успех. Во ист физички простор ги донесоа претставниците на спротивставените страни. Русија како Русија и остатокот од 55 држави од кои само четири не присуствуваа на највисоко ниво. Овде мислам на трите балтички земји и на Украина“, рече Филипов.

„Австрискиот министер Шаленберг и Сергеј Лавров, сепак, разговараа. Лавров, сепак, пристигна на територија на земја членка на НАТО, а разговараше со земја која не е членка на НАТО, како што е Австрија. Меѓутоа, тоа значи дека сите релевантни предлози од едната или другата страна се на некој начин пренесени. Како ќе заврши целиот состанок на ОБСЕ ќе зависи од многу фактори. ОБСЕ е организација чија првенствена задача е мир и помирување на двете страни или на сите страни, на сите членки на Европа или на сите сојузници на Европа“, смета Филипов.