Кумановецот Филип Антовски кој игра на левата бековска позиција го облече дресот на Брера Струмица.

Антовски стави потпис на договорот со Брера, и следната сезона ќе биде дел од првиот тим на стратегот Бојан Круљ.

23 годишнниот играч кој беше и младински репрезентативец доаѓа од чешкиот Карвина, а во својата кариера има настапувано и за Славија Софија, Австрија Виена, Истра Хрватска.

Инаку станува збор за фудбалер од младинскитое погони на Вардар кој во 2019 премина во Динамо Загреб.

Ново име во тимот на Брера е и Димитар Тодоровски, 22 годишниот фудбалер од Скопје е ново засилување за следната сезона. Тодоровски кој е играч од средниот ред, потекнува од школата на Работнички каде настапуваше и во изминатото првенство во кое запиша два гола и една асистенција.

Тодоровски е член и на младинската фудбалска репрезентација на Македонија за која има вкупно 29 настапи.