ФИФА го скрати списокот: Скалони, Анчелоти и Гвардиола останаа во игра за тренер на годината
Светската фудбалска федерација (ФИФА) денес ги објави трите номинации за најдобар тренер во годината и во најтесна конкуренција за оваа награда останаа аргентинскиот селектор, Лионел Скалони, Карло Анчелоти од Реал Мадрид и Пеп Гвардиола од Манчестер Сити.
Препорачано
Наградите за најдобрите ФИФА ќе ги додели на 27-ми февруари на гала-церемонијата во Париз. Како што стојат работите, прв фаворит е Скалони кој со Аргентина го освои Светското првенство во Катар.
Од пошироката листа тренери по гласањето отпаднаа: Дидие Дешан, Валид Регреги и Златко Далиќ.
Во женска конкуренција за наградата ќе се борат Пиа Сундхејџ, Санрина Веигман и Соња Бомпастор.
Претходно во текот на вчерашниот ден беа објавени номинациите за најдобар голман и таму во конкуренција се Јасин Боно, Тибо Куртоа и Емилијано Мартинез.
The three finalists for #TheBest FIFA Men’s Coach Award have been revealed!
?? @PepTeam
?? @lioscaloni
?? @MrAncelotti— FIFA World Cup (@FIFAWorldCup) February 9, 2023
