Фудбалската федерација на Македонија се огласи со соопштение во врска со апсењето на Данчо Масев кој ја извршуваше функцијата директор на федерацијата.

Како што велат од федерацијата Масев не ја извршувал таа улога веќе една недела.

Во врска со приведувањето на Данчо Масев, истакнуваме дека Фудбалската федерација на Македонија нема информации за неговите лични постапки и активности кои довеле до оваа ситуација.

Со оглед на ситуацијата, неговите активности во рамки на Федерацијата престанаа со моментален ефект, односно пред повеќе од една седмица.

Како институција која се придржува до принципите на законитост и интегритет, случајот го оставаме на органите на Законот во државата.

Нашиот фокус е насочен кон организацијата и подготовката на натпреварот Македонија – Велс, без да се акцентираат личните постапки, а било каква одговорност ќе биде утврдена од законските органи.

Фудбалска федерација на Македонија нема да коментира повеќе за овој случај.

Директорот на фудбалската А-репрезентација Данчо Масев завршил во притвор – се поврзува со Штекли