Фестивалот на алтернативна фотографија „Зрно“ во Мултимедијалниот центар „Мала станица“ во Скопје претстави изложба на алтернативни фотографии, со дела избрани на меѓународен јавен повик и селектирани од стручно осумчлено меѓународно жири. Станува збор за храбри, аналогни и често невообичаени модерни дела.

Изложбата е дел од четвртото издание на фестивалот „Зрно“, кој годинава се одржува под мотото „ФотоСинтеза!“ и претставува единствена платформа во регионот посветена на некомерцијални, експериментални и авторски фотографски практики. Фестивалот ги промовира современите трендови во фотографијата, слободата на визуелниот израз, аналогните процеси, рачно изработените уникатни дела и едукацијата за аналогна фотографија преку работилници, публикации, предавања и изложби.

Избраните дела доаѓаат од автори од повеќе земји од разни агли на светот, набиени со креативен авторски израз и ја одразуваат широчината на современите тенденции во областа на алтернативната и експерименталната фотографија.

Фестивалот „Зрно“ годинава е делумно поддржан од Министерството за култура и туризам.

(Текстот е објавен во „Културен печат“ број 288, во печатеното издание на весникот „Слободен печат“ на 5-6.7.2025)