Шпедитерската компанија „Фершпед“ лани остварила оперативна добивка во износ од нешто над 90 милиони денари .041 илјади денари или 1,46 милиони евра, искажана во неревидираниот Биланс на успех, објави компанијата.

Профитот на фирмата, односно добивката по оданочување лани била на сума од 1,33 милиони евра, што е само за еден отсто пониско ниво од ланската добивка по плаќањето на даноците, пренесува „Фактор“.

Остварените вкупни приходи во периодот Јануари-Декември 2022 година изнесуваат 4.613.135 илјади денари и во споредба со остварените вкупни приходи во 2021 година се на приближно исто ниво. Оперативните приходи во износ 4.609.144 илјади денари учествуваат со 99,9 отсто во вкупните приходи и истите се на исто ниво во споредба со оперативните приходи во 2021 година.

Финансиските приходи бележат намалување во однос на истите од претходната година.

Вкупните расходи во износ од 4.520.983 илјади денари се на приближно исто нивово однос на вкупните расходи во 2021 година. Оперативните расходи во износ 4.519.103 илјади денари се на приближно исто ниво во однос на 2021 година. Најголемо учество во оперативните расходи со 85,8 отсто имаат расходите за услуги со карактер на материјални трошоци во износ од 3.877.676 илјади денари.

Финансиските расходи бележат зголемување во однос на претходната година.

„Во извештајниот период на товар на акумулираната добивка направен е отпис на ненаплатливи салда од минати години на краткорочни позајмици и побарувања од купувачи во вкупен износ од 380.389 илјади денари од подружницата Сковин АД Скопје над која во почетокот на 2022 година беше отворена стечајна постапка, како и вредносно усогласување за минати години на вложување во подружница во износ од 22.125 илјади денари“, се вели во образложението на компанијата.