Вечерва „граѓаните“ го промовираа својот нов напаѓач кој на „Етихад“ доаѓа од редовите на Валенсија.

Феран Торес за 23 милиони евра го освежува нападот на Манчестер сити, младиот шпански репрезентативец потпиша договор на пет години.

– Пресреќен сум што ќе бидам дел од клубот. Секој играч сонува да биде вклучен во напаѓачкиот фудбал каков што игра Манчестер сити. Го сакам стилот на Гвардиола и мојот сон беше да соработувам со него – рече Торес за чиј потпис интерес покажуваа уште Јувентус и Реал Мадрид.

Во дресот на Валенсија одигра вкупно 97 натпревари, реализираше девет голови и запиша 12 асистенции.

Лани беше најзаслужен со два гола за Шпанија во финалето против Португалија во освојувањето на титулата европски јуниорски шампион.