Американската фармацевтска компанија „Фајзер“ соопшти дека идентификувала лажни верзии на вакцината за коронавирус во Мексико и Полска, пренесува Радио Слободна Европа. Дозите се конфискувани од властите во двете држави и преку тестови е потврдено дека се лажни.

Во Мексико, тие биле во лажна амбалажа, додека во Полска се верува дека супстанцата во вакцината била за третман на брчки, рече Фајзер.

Светската здравствена организација предупреди дека лажните вакцини „претставуваат сериозен ризик за глобалното јавно здравје“.

Таа повика на идентификување на овие вакцини и нивно отстранување од пазарот. Полското Министерство за здравство во средата соопшти дека ризикот од лажни дози во оптек е „практично непостоечки“, бидејќи никој не добил таква вакцина.