алиоски
фото: instagram.com/alahliclub.sa

Езгјан Алиоски повеќе не е играч на Ал Ахли

Непосредно пред репрезентативниот собир, најновите информации велат дека Езгјан Алиоски моментно е без клуб.

До сега нашиот репрезентативец ги бранеше боите на Ал Ахли од Саудиска Арабија чиј дрес го носеше од сезоната 2021/2022, а лани беше на позајмица во турскиот Фенербахче.

Летово во редовите на Ал Ахли пристигнаа неколку познати ѕвезди како Ријад Марез и Роберто Фирмино со кои Алиоски настапи и во подготвителните натпревари.

Во клупската кариера нашиот 31-годишен лев бек беше дел и од Јанг Бојс У23, Шафхаузен, Лугано и Лидс јунајтед.

Ова лето уште еден наш репрезентативец ја напушти Саудиска Арабија, Дарко Велковски се раздели со Ал-Етифак каде исто така дојдоа познати фудбалери, на клупата предводени од англиската фудбалска легенда Стивен Џерард.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот