Во рамките од второто коло на Европскиот куп во кајак спуст во Фулда, Германија, македонската репрезентација во состав Љубомир Спасиќ, Кристијан Лазаров, Благој Гугинов и Александар Златаров (членови на ККК Арка-Борец Велес) го освои второто место екипно.

Во поединечна конкуренција Златаров дојде до 16 место, а Спасиќ се најде на 19 позиција.

Кај јуниорите, во категоријата до 16 години, седмопласиран беше Гугинов, а во категоријата до 18 години (јуниори) Лазаров го освои осмото место.

Лазаров и Гугинов по две кола од Европскиот куп во кајак спуст се на врвот на табелата во јуниорска конкуренција.

Лазаров е на првата позиција со 174 бодови, пред Гугинов кој има 150. Кај сениорите Златаров и Спасиќ се на втората, односно третата позиција зад водечкиот Иво Ламерс од Холандија.

Според најавите третото коло од Европскиот куп во кај спуст е во Нотингем, Велика Британија.