Македонскиот женски ракометен клуб Ѓорче Петров славеше во првиот натпревар од Европскиот куп против Јарослав од Полска со 27:26 (14:14).

Во текот на првото полувреме двете екипи се менуваа во водство, ЖРК Ѓорче Петров имаше позитива од „плус три“ (8:5), а ривалот пред паузата стекна предност од два голови разлика (12:14).

Во вториот дел ЖРК Ѓорче Петров повеќе го контролираше резултатот, имаше шанса на крајот да триумфира и со поголема разлика. Трипати стекнуваше водство од „плус три“ (19:16, 20:17 и 27:24).

Прв стрелец кај ѓорчепетровки беше Милица Николиќ со 11 голови, по пет имаа Катерина Дамјаноска и Ана Марија Коларовска. На спротивната страна 10 пати во листата на стрелците се запиша Малгожата Травчинска.

По договор на двете екипи, двомечот се игра во салата „Автокоманда“ – Скопје. Возвратниот дуел е денеска од 18.00 часот.