Европскиот фронт предводен од ДУИ ќе го кандидира Зијадин Села за градоначалник на Струга, неофицијално објавуваат дел од медиумите на албански јазик.

Досега своја независна кандидатура најави бизнисменот Менди Ќира, кој ќе биде поддржан од коалицијата Вреди.

За време на отворањето на изборниот штаб на Вреди во Струга, заменик-премиерот и еден од лидерите на коалицијата, Арбен Фетаи, го предизвика директно својот поранешен партиски колега, Зијадин Села.

„Зијадин, бујрум мери се со Менди Ќира и да видиме во октомври кој ќе ја освои Струга!“, изјави Фетаи пред. Тој ги обвини Села и Таравари дека се обидуваат да го вратат Али Ахмети на власт преку тајни договори.

Ако се точни информациите кои ги пренесуваат албанските медиуми, лидерот на Алијанса за Албанците, Зијадин Села на овие избори ќе се обиде по трет пат да стане градоначалник на Струга.