Европската комисија денеска усвои правило со кој периодот на важност на сертификатот за вакцинација се ограничува на девет месеци односно 270 денови од целосната вакцинација.

Истовремено, усвоени се и правила за координирање на сертификатите за да може јасно да се разликуваат доказите за примената примарна вакцинација од оние кои се однесуваат на бустер дози.

-Новите правила означуваат дека мерките кога станува збор за патувања се засноваат на најдобри достапни научни докази и објективни критериуми. Континуираната координација е од суштинско значење за функционирање на единствен пазар и ќе пружат јасни упатства до граѓаните на ЕУ во остварувањето на нивното право на слободено движење, изјави портпаролот на Комисијата, Кристијан Виганд.

Во ЕК велат дека овој сертификат се однесува на потребата за патувања внатре во ЕУ, и дека „јасен и еднообразен период за прифаќање“ на сертификатот за вакцинација ќе гарантира продолжување на координацијата меѓу 27-те земји членки на ЕУ кога е во прашање транзитот на луѓето.