Личните податоци на граѓаните сè повеќе се користат како стока со висока вредност во компјутерскиот криминал, додека пазарот на украдени информации брзо се шири, соопшти денеска Европол во својот извештај „Онлајн проценка на заканите од организиран криминал 2025 година“, додавајќи дека украдените податоци се основа на криминалниот систем кој овозможува низа незаконски активности преку интернет и измама на деца.

„Не можете да се браните од она што не го разбирате. Извештајот на ИОЦТА 2025 ја открива скриената економија на украдените податоци што ги поттикнува најопасните сајбер закани на денешницата“, рече Едвардс Шилерис, директор на Европскиот центар за компјутерски криминал на Европол.

Криминалците користат сè пософистицирани методи – од фишинг и малициозен софтвер, до телефонски измами и вештачка интелигенција – за да добијат чувствителни кориснички информации, кои потоа се продаваат и дистрибуираат преку темната мрежа и шифрирани комуникациски канали.

За да се спротивстави на овие закани, извештајот повикува на координирани политички одговори на ниво на ЕУ, усогласени правила за задржување податоци и итни напори за зголемување на дигиталната писменост.