Во последното 34 коло од Евролигата кошаркарите на Париз на домашен терен со 72:63 беа подобри од Алба Берлин.

Македонскиот репрезентативец Ти Џеј Шортс придонесе во победата на Французите со 10 поени, еден скок и седум асистенции 23:42 минути игра на паркетот.

Најефикасен во победничките редови беше Надир Хифи со 15 поени.

На спротивната страна за германскиот тим Џастин Бин беше прв стрелец со 14 поени.

После овој меч Париз е на деветтата позиција во Евролигата со учинок 19-15, и го чека исходот од дуелот помеѓу Црвена звезда и Панатинаикос за да го дознае својот конечен пласман.

Алба Берлин и втора сезона по ред завршува на последното место и тоа со идентичен учинок 5-29.